Á undanförnum árum hafa stjórnvöld unnið að mótun stefnu fyrir flestar listgreinar í gegnum víðtækt samráð við hagsmunaaðila á hverju sviði. Árið 2023 var kynnt stefna stjórnvalda um málefni myndlistar til ársins 2030. Í henni er sett fram skýr framtíðarsýn ásamt aðgerðaáætlun til að ná settum markmiðum.

Framtíðarsýnin gengur út á að byggja upp öfluga og lifandi myndlistarmenningu á Íslandi. Myndlist á að gegna lykilhlutverki í samfélaginu og vera órjúfanlegur hluti af menntun, þroska og daglegu lífi landsmanna, óháð aðstæðum. Lögð er áhersla á að virða og styðja myndlistarfólk, efla kennslu og nám í myndlist og listasögu á öllum skólastigum og styrkja stöðu myndlistar sem samfélagslegs þáttar sem stuðlar að gagnrýninni og skapandi hugsun.

Þá er jafnframt lögð áhersla á að starfsemi listasafna þróist í takt við þarfir síbreytilegs samfélags og að stuðningskerfi myndlistar verði einfalt og skilvirkt. Vöxtur myndlistargeirans á einnig að endurspeglast í fjölgun gallería og fyrirtækja sem starfa á þessu sviði, auk þess sem íslensk myndlist verði sýnileg og virt á alþjóðavettvangi.

Að hafa samhæfða stefnu fyrir myndlist er afar mikilvægt. Með sameiginlegri sýn og markvissri vinnu skapast betri umgjörð fyrir listina, listafólkið og samfélagið í heild. Stefnan nær frá því að einfalda kerfi og umsýslu til þess að tryggja að list verði aðgengileg sem flestum og eðlilegur hluti af daglegu lífi, hvort sem það er í skólum, heilbrigðisstofnunum eða almenningsrýmum.

Ekki þarf að fjölyrða um hversu miklu máli skiptir fyrir listgrein eins og myndlist að hafa samræmda stefnu til að vinna að.

Varðaða leið sem öll þau sem starfa á sviðinu sammælast um að stefna í sömu átt, til að vinna að bættu umhverfi. Þessi markmið eru allt frá því að gera kerfi og umgjörð skilvirkari til þess að búa íbúum samfélagsins okkar umhverfi sem inniheldur listir.

Framfarir og verkefni í framkvæmd

• Tæpum tveimur árum eftir samþykkt stefnunnar hefur margt áunnist, þó að áfram sé unnið að ýmsum verkefnum. Aðgerðaáætlunin er lifandi skjal sem hægt er að endurskoða og þróa eftir þörfum. Nokkur af þeim verkefnum sem eru komin vel á veg eru:
• Greining á stöðu Listasafns Íslands: Starfshópur hefur skilað tillögum um …