Í síðasta tölublaði Vísbendingar[ff1768] birtist grein eftir höfunda sem eru starfsmenn Arev þar sem fjallað var um áhættumat erfðablöndunar sem byggði á vinnu sem unnin var fyrir Landssamband veiðifélaga. Þar kom fram það mat Arev að líkindadreifingar í áhættumati Hafrannsóknastofnunar væru ekki í samræmi við nýlegar slysasleppingar.

Athugasemdir komu fram m.a. frá Hafrannsóknastofnun um mat Arev á dreifingu eldislaxa um landið. Arev hefur því haldið áfram vinnu sinni að eigin frumkvæði og lagt sérstaka áherslu á að skoða betur dreifingu laxa úr slysasleppingunni frá Patreksfirði síðastliðið sumar.

Að því gefnu þá er áhugavert að reyna að leggja mat á það hve hátt hlutfall laxanna skiluðu sér í veiðivötn[4c40ae] annars vegar og hvernig þeir dreifðust um landið hins vegar.

Laxar úr slysasleppingunni fóru ýmist vestur um eða austur um. Fleiri fundust austan megin, ekki síst vegna þess að frjósamari ár[5a0094] eru við Húnaflóa en Breiðafjörð. Hafstraumar við landið höfðu einnig áhrif.

Fréttir af slysi

Eftirfarandi frétt birtist á vef Ríkisútvarpsins[5a0831] í hádeginu 30. ágúst sl.:

„Fiskistofa leitar að strokulaxi í Patreksfirði og Arnarfirði og biður veiðimenn að senda slíka fiska til greiningar. Undanfarið hefur verið tilkynnt um hugsanlega strokulaxa úr laxeldi í ám á Vestur- og Norðvesturlandi.“

Nokkrum klukkustundum síðar birtist önnur frétt á vef Ríkisútvarpsins[21f01b]:

„Búið er að slátra laxi úr sjókví í Kvígindisdal í Patreksfirði, sem tvö göt komu á fyrir rúmri viku. Allt að 3.462 eldislaxar gætu hafa sloppið úr kvínni, miðað við talningar.“

Tæplega mánuði síðar birtist eftirfarandi tilkynning á vef Hafrannsóknastofnunar[0ad757]:

„Hafrannsóknastofnun hefur óskað eftir því að Samráðnefnd um fiskeldi fresti frekari umfjöllun um áhættumat erfðablöndunar þar til endurskoðun áhættumatsins liggur fyrir.“

Eftirfarandi setningar eru úr tilkynningu sem birtist á vef Hafrannsóknastofnunar[6c6daa] í lok ársins:

„Af 416 meintum eldislöxum hafa 298 verið greindir til uppruna. 110 laxar eru enn í greiningu. Átta laxar af norskum uppruna og með útlit eldislaxa hafa ekki enn verið greindir til upprunastaðar.“

Ekki hafa borist frekari opinberar upplýsingar um greiningar.