Í grein þessari verður litið um öxl og reynt að bregða ljósi á þróun þá sem orðið hefur á vettvangi skapandi atvinnugreina frá þeim tíma er fyrsta skýrslan um hagræn áhrif greinanna kom út. Einnig verður sjónum beint að mikilvægi frumsköpunar sem lykilþáttar í uppbyggingu öflugra atvinnugreina lista og menningar. Loks er vikið að starfsumhverfi þeirra sem kjósa að starfa sjálfstætt í skapandi greinum og vakin athygli á mikilvægi gagnaöflunar og greininga í þágu framtíðarþróunar greinanna.