Fulltrúar Íslands á Feneyjatvíæringnum í arkitektúr 2025, arkitektarnir Arnhildur Pálmadóttir og Arnar Skarphéðinsson komu á skrifstofu Vísbendingar í Aðalstrætinu í Reykjavík til þess að segja frá Lavaforming og ræða um þróun arkitektúrs.

Vísbending tók þá Hilmar Veigar Pétursson og Stefán Þórarinsson hjá CCP tali í gegnum tölvubúnað til þess að heyra af nýjustu stefnum og straumum í tölvuleikjaheimi hugverkaiðnaðarins sem er orðinn bæði stór og gamalgróinn hérlendis.

Sigríður Þormóðsdóttir hefur starfað við stuðning nýsköpunar í Noregi í hartnær tvo áratugi. Hún segir að nýsköpun sé ekki bara atvinnuþróun heldur ekki síður samfélagsþróun. Það kalli á að unnið sé saman á milli stjórnsýslustiga og þvert á ráðuneyti.

Við tókum Ástu Fanneyju Sigurðardóttur fulltrúa Íslands á Feneyjatvíæringnum í myndlist á næsta ári tali og ræddum um listræna sköpun. Hún dansar sem listamaður á mörkum tónlistar, hljóðlistar, skáldskapar, gjörnings og innsetningar.

Ingibjörg Sólrún Gísladóttir var þingmaður Kvennalista, borgarstjóri Reykjavíkurlista, ráðherra og formaður Samfylkingarinnar, fyrir og eftir hrunið. Hún verður sjötug núna í árslok. Í þessu viðtali förum við yfir stöðu heimsmálanna og komum inn á starfsferil hennar og reynslu úr alþjóðastarfi síðan að stjórnmálaferlinum lauk fyrir fimmtán árum.

Nýr sendiherra Evrópusambandsins á Íslandi, Clara Ganslandt, kom hingað til lands úr starfi hjá utanríkisþjónustu sambandsins (e. European External Action Service). Frá árinu 2019 hefur hún starfað gagnvart nágrannalöndum í Vestur-Evrópu, sem eru Ísland, Noregur og Lichtenstein en einnig Sviss, Andorra, Mónakó, San-Marínó og Vatíkanið heilaga. Þá hefur Clara einnig verið síðustu tvö ár sérstakur sendifulltrúi (e. special envoy) fyrir norðurslóðamálefni.

Sigurður Hannesson er með doktorspróf í stærðfræði frá Oxford og starfar sem framkvæmdastjóri Samtaka iðnaðarins ásamt því að sinna stjórnarformennsku í Kviku banka, þar sem að hann á 0,18% hlut. Áður starfaði hann á íslenskum fjármálamarkaði ásamt því að vera formaður sérfræðinga­hóps stjórn­valda um höf­uð­stólslækkun verð­tryggðra hús­næð­is­lána árið 2013.

Ólöf Ýrr Atladóttir hætti sem ferðamálastjóri fyrir sjö árum síðan. Hún rekur nú um stundir hótel og ferðaþjónustu nyrst á Tröllaskaga, en starfar einnig sem ráðgjafi á sviði ferðaþjónustu, innanlands og erlendis. Hún hefur yfirgripsmikla reynslu og skýrar skoðanir á því hvað þurfi að gera í ferðamálum. Í samtali okkar í útjaðri Grjótaþorpsins í Reykjavík horfum við bæði fram á veg fyrir ferðamenn á Íslandi og um öxl á reynsluna af þróun ferðamálanna undanfarinn einn og hálfan áratug.

Menntun er lykilatriði fyrir framþróun vinnumarkaðarins. Menntastofnanir undirbúa nemendur fyrir atvinnulífið og þátttöku á vinnumarkaði. Þema áramótablaðs Vísbendingar er vinnumarkaður í víðtækum skilningi. Því er viðtal vikuritsins við háskólakennara á heimsvísu: Concepción Galdón, prófessor á sviði frumkvöðlafræða hjá IE háskólanum í Madríd er aðstoðardeildarforseti og akademískur leiðtogi á sviði samfélagslegrar nýsköpunar. Hún deilir með lesendum blaðsins sýn sinni á yfirstandandi byltingu á sviði sjálfbærni og nauðsynlega þróun skólastarfs í því ljósi.

Már Guðmundsson hætti sem seðlabankastjóri fyrir næstum fjórum árum síðan. Hann hefur ennþá skýrar og undirbyggðar skoðanir á því af hverju hlutirnir í hagkerfinu eru eins og þeir eru og hvað þurfi að gera til að bregðast við þeim. Þegar hann horfir í baksýnisspegilinn er hann ánægður með stóru myndina af því sem hann skildi eftir sig eftir áratug í storminum. Enn eigi þó eftir að opinbera margt sem gekk á.