Bandaríkin ætla að snúa tækni sem ógnar bönkum og hefðbundnu fjármálakerfi upp í styrkleika fyrir eigin mynt og ríkisfjármál. Með nýrri stefnu Donalds Trump í málefnum stöðugleikamynta (e. stablecoins) er markmiðið skýrt: Að auka útbreiðslu og notkun dollars út um allan heim og um leið styðja við fjármögnun ríkissjóðs Bandaríkjanna.
Ný tækni – ný völd
Stöðugleikamyntir eru rafrænar útgáfur hefðbundinna gjaldmiðla – t.d. dollars – sem byggja á nýjustu tækni í dreifðum gagnagrunnum og dulkóðun (bálkakeðjutækni). Þær gera notendum kleift að senda og taka við peningum á netinu án milligöngu banka eða fyrir tilstuðlan hefðbundinna greiðslumiðlunarkerfa.
Þó svo að stöðugleikamyntir hafi í fyrstu verið tengdar við sýndareignir (e. crypto), þá hefur löggjöf bæði í Evrópu og nú í Bandaríkjunum dregið skýra línu á milli þessara fyrirbæra.
Í Evrópu falla stöðugleikamyntir undir reglur um rafeyri (e. e-money). Útgefendur rafeyris [JE1] þurfa leyfi frá fjármálaeftirliti og þurfa að uppfylla skilyrði á sviði neytendaverndar, peningaþvættis, tækniöryggis, vörslu fjármuna fyrir hönd viðskiptavina o.fl.
Ný stefna í Washington
Í Bandaríkjunum hefur í nokkur ár ríkt óvissa um löggjöf á þessu sviði. Það er nú að breytast. Þann 13. mars síðastliðinn samþykkti fjármálanefnd öldungadeildarinnar frumvarpið GENIUS sem skilgreinir hvernig stöðugleikamyntir í dollar skuli tryggðar og hvaða kröfur eru gerðar til reksturs og umgjörðar útgefanda þeirra.
Samkvæmt drögum að þessu nýju regluverki í Bandaríkjunum skal stöðugleikamynt í dollar vera tryggð 1:1 með eignum í dollar – og þar skipa bandarísk ríkisskuldabréf stóran sess.
Af hverju ríkisskuldabréf?
Fyrir fjármögnun bandríska ríkisins þá skiptir nýja löggjöfin máli. Útgefendur stöðugleikamynta verða að tryggja útgáfuna með samsvarandi upphæði í öruggum, seljanlegum eignum í dollar. Hagkvæmasti og öruggasti kosturinn eru bandarísk ríkisskuldabréf með stuttan binditíma.
Þannig er ígildi hverrar nýrrar dollareiningar í stöðugleikamynt að hluta til byggð á nýrri eftirspurn eftir bandarískum ríkisskuldabréfum. Því fleiri sem nota stöðugleikamynt í dollar, því meiri er eftirspurn eftir bandarískum ríkisskuldabréfum.
Í dag er helst eftirspurn eftir stöðugleikamynt í dollar í löndum utan Bandaríkjanna þar sem almenningur hefur ekki aðgang að bankareikningum fyrir dollar auk bágborins efnahagsástands, s.s. að heimagjaldmiðillinn er sveiflugjarn, verðbólga er vandamál eða efnahagar ríkisins veikburða.
Tækifæri að sækja í bankainnstæður
Samkvæmt McKinsey eru um 117 billjónir dollara varðveittar sem bankainnstæður í heiminum — þar af eru 65 billjónir dollara í eigu einstaklinga. Þó svo að stöðugleikamyntir í dollar muni aðeins ná broti af þessum innstæðum á heimsvísu, yfir í rafræna dollara stöðugleikamynt, þá getur eftirspurn eftir bandarískum ríkisskuldabréfum aukist mikið.
Bandaríski seðlabankinn (e. the Federal Reserve) og stjórnvöld horfa nú á þessa þróun sem tækifæri – ekki ógn. Christopher Waller, sem situr í stjórn Seðlabanka Bandaríkjanna, sagði nýlega að þessi tækni geri „hvern …
