Hæstiréttur er hugsanlega eina stofnun landsins sem ráðið getur við að minnka verðbólgu – sem hérlendis er mæld að mestu frá húsnæði komin. Síðari hluti greinar Gylfa Magnússonar um áhrif fyrsta dómsins í vaxtamálinu á húsnæðislánamarkaðinn birtist hér viku á eftir fyrri hluta. Fleiri dómar munu falla á næstu vikum. Áhrif fyrsta húsnæðispakka ríkisstjórnarinnar, sem kynntur var í síðustu viku, fara að bíta fljótlega. Óljóst er þó enn hvort dómurinn verði sá skjöldur neytendaverndar og lækkunar húsnæðiskostnaðar sem vonast var.

Forsíðugrein vikunnar fjallar um hitt stærsta úrlausnarefni samtímans, loftslagsmálin. Sem enn er ekki farið að líta út fyrir að Íslendingar geti tekist sómasamlega á við, þó við höfum byggt upp hitaveitur fyrir rúmlega eða tæplega 100 árum síðan.

Aðgerðir Bandaríkjaforseta til þess að brjóta niður loftslagsvísindi þarlendis vekja ugg eins og úttekt Financial Times ber skýrt merki og viðbrögð fræðimanna eru að þetta geti orðið skaðlegasta arfleifð hans, sem nær langt út fyrir landsteinana.

Í síðasta vikuriti voru loftslagsmálin einnig til umfjöllunar í grein eftir forstöðumann Hagfræðistofnunar og er áhugavert að lesa hana samhliða grein formanns Landverndar hér. Líkt og í húsnæðismálunum þá kalla markaðslausnir stundum á opinbera íhlutun.

Alþjóðlega fréttastofan Aljazeera í Katar gerði nýlega heimildaþáttaröð um loftslagsmálin þar sem til dæmis er sýnt hvernig Svíum hefur tekst að breyta sorpinu sínu í húshitunarorku og byggt upp hitaveitur á síðasta aldarfjórðungi í helstu borgum landsins. Alþjóðlega stofnunin Oxfam hefur einnig sýnt fram á hvernig sá helmingur Svía sem hefur lægri tekjur en meðaltalið dregur úr losun með áhrif á loftslagið en framlag ríkasta prósentsins á hverju ári til loftslagsvandans er jafnmikið og 30 ára framlag meðalsvía.

Næsta COP ráðstefna Sameinuðu þjóðanna um loftslagsbreytingar, sú þrítugasta, hefst núna strax eftir helgina í borginni Belém í norðurhluta Brasilíu við Amazon fljótið um 100 km frá Atlantshafsströndinni.